—

Yanvar-iyul aylarında Gürcüstanda xarici ticarət dövriyyəsi 12 566,8 milyon ABŞ dolları təşkil edib

560
Yanvar-iyul aylarında Gürcüstanda xarici ticarət dövriyyəsi 12 566,8 milyon ABŞ dolları təşkil edib
Dinləmək üçün basın

2024-cü ilin yanvar-iyul aylarında Gürcüstanda mallarla xarici ticarət dövriyyəsi (bəyan edilməmiş ticarət olmadan) 12 566,8 milyon ABŞ dolları təşkil edib ki, bu da əvvəlki ilin müvafiq dövrü ilə müqayisədə 1,6 faiz…

2024-cü ilin yanvar-iyul aylarında Gürcüstanda mallarla xarici ticarət dövriyyəsi (bəyan edilməmiş ticarət olmadan) 12 566,8 milyon ABŞ dolları təşkil edib ki, bu da əvvəlki ilin müvafiq dövrü ilə müqayisədə 1,6 faiz çoxdur.

InterPress.ge xəbər verir ki, bu barədə Milli Statistika Xidmətinin yaydığı məlumatda qeyd olunub.

açıqlamaya görə, bunun 3 532,2 milyon ABŞ dolları ixrac (1,3 faiz azalma), idxal isə 9 034,6 milyon ABŞ dolları (artım 2,9 faiz) təşkil edir. 

Milli Statistika Xidmətinin məlumatına görə, 2024-cü ilin yanvar-iyul aylarında Gürcüstanın mənfi ticarət saldosu 5 502,4 milyon ABŞ dolları təşkil edib ki, bu da xarici ticarət dövriyyəsinin 43,8 faizini təşkil edir.

“2024-cü ilin yanvar-iyul aylarında Gürcüstanın ümumi ixracında on ən böyük ixrac tərəfdaşı ölkənin payı 81,3 faiz təşkil edib. İlk üç ixracatçı aşağıdakı kimi formalaşıb: Qırğızıstan (587,5 milyon ABŞ dolları), Qazaxıstan (446,5 milyon ABŞ dolları) və Rusiya (407,2 milyon ABŞ dolları).

2024-cü ilin yanvar-iyul aylarında Gürcüstanın ümumi xarici ticarət dövriyyəsində on ən böyük ticarət tərəfdaşı ölkənin payı 68,2 faiz təşkil edib. Ölkənin ən böyük ticarət tərəfdaşları bunlardır: Türkiyə (1 809,5 milyon ABŞ dolları), Rusiya (1 427,8 milyon ABŞ dolları) və ABŞ (1 078,4 milyon ABŞ dolları).

2024-cü ilin yanvar-iyul aylarında ilk on ixrac kateqoriyasında 1192,7 milyon ABŞ dolları ilə yüngül avtomobillər birinci yeri tutub ki, bu da bütün ixracın 33,8 faizini təşkil edir. İkinci yeri 201,4 milyon ABŞ dolları ilə ferroərintilər (ümumi ixracın 5,7 faizi), üçüncü yeri isə 174,4 milyon ABŞ dolları ilə (4,9 faiz) təbii üzüm şərabları tutur.

2024-cü ilin yanvar-iyul aylarında ən böyük idxal əmtəə qrupu yüngül avtomobillər şəklində təqdim olunub ki, onların idxalı 1 608,0 milyon ABŞ dolları və bütün idxalın 17,8 faizini təşkil edib. İkinci yerdə 769,7 milyon ABŞ dolları (idxalın 8,5 faizi) ilə neft və neft məhsulları, üçüncü yerdə isə 370,1 milyon ABŞ dolları (idxalın 4,1 faizi) ilə qablaşdırılmış dərman məhsullarıdır", - məlumatda deyilir.

Xəbəri qiymətləndir
Məqalənin müəllifiİsmayıl Abramişvili

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →