—

ABŞ Ukraynanın işğal olunmuş ərazilərində seçkilərin keçirilməsini pisləyir

375
ABŞ Ukraynanın işğal olunmuş ərazilərində seçkilərin keçirilməsini pisləyir
Dinləmək üçün basın

Birləşmiş Ştatlar Rusiyanın Ukraynanın işğal olunmuş ərazilərində saxta seçkilər keçirməklə Ukraynanın suverenliyini, ərazi bütövlüyünü və siyasi müstəqilliyini pozmaq cəhdlərini pisləyir.

Birləşmiş Ştatlar Rusiyanın Ukraynanın işğal olunmuş ərazilərində saxta seçkilər keçirməklə Ukraynanın suverenliyini, ərazi bütövlüyünü və siyasi müstəqilliyini pozmaq cəhdlərini pisləyir.

InterPress.ge xəbər verir ki, bu barədə ABŞ Dövlət Departamentinin sözçüsü Metyu Miller açıqlama verib.

"ABŞ suveren Ukraynada keçirilən saxta seçkilərin legitimliyini və ya nəticələrini heç vaxt tanımayacaq. Aydın olması üçün deyək: Luqansk, Donetsk, Zaporojye, Xerson və Krım Ukraynadır”, - Metyu Miller bildirib.

Onun sözlərinə görə, bu hərəkət Rusiyanın beynəlxalq hüquq çərçivəsində üzərinə götürdüyü öhdəliklərə açıq şəkildə məhəl qoymadığını bir daha təsdiqləyir.

“Birləşmiş Ştatlar azad dövlətlərin suverenliyinə, ərazi bütövlüyünə və ya siyasi müstəqilliyinə xələl gətirən hərəkətlərə görə məsuliyyət daşıyanları, o cümlədən Ukraynanın işğal olunmuş ərazilərində Kremlin saxta seçkilərini izləməyə çalışanları məsuliyyətə cəlb etmək üçün bütün mövcud vasitələrdən istifadə etməyə davam edəcək”.

Xatırladırıq ki, Rusiyada prezident seçkiləri davam edir. İlhaq edilmiş Krımda və Şərqi Ukraynanın işğal olunmuş ərazilərində “seçkilər” keçirilir. Kiyev müvəqqəti olaraq işğal olunmuş ərazilərdə yaşayan və ya Rusiya Federasiyasının ərazisində qalmağa məcbur olan ukraynalıları “Rusiya Federasiyasının prezidentinin “psevdoseçkisində” iştirak etməməyə” çağırıb.

Xəbəri qiymətləndir
Məqalənin müəllifiHumay Məmmədova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →