—

Baş nazir: "Gürcüstan iqtisadi potensialı artan ölkə kimi etibarlı və sabit tərəfdaşdır"

350
Baş nazir: "Gürcüstan iqtisadi potensialı artan ölkə kimi etibarlı və sabit tərəfdaşdır"
Dinləmək üçün basın

"Gürcüstan iqtisadi potensialı artan ölkə kimi etibarlı və sabit tərəfdaşdır".

"Gürcüstan iqtisadi potensialı artan ölkə kimi etibarlı və sabit tərəfdaşdır".

InterPress.ge xəbər verir ki, bunu Gürcüstanın Baş naziri İrakli Ğaribaşvili Mərkəzi Asiya Ölkələri Başçılarının SPECA Sammitində bildirib.

Onun sözlərinə görə, Gürcüstan regionda Çin və Avropa İttifaqı ilə azad ticarət sazişi olan yeganə ölkədir.

"Avropa İttifaqına inteqrasiyanı fəal şəkildə davam etdiririk. Son 10 ildə Avropa ilə azad ticarətə, eləcə də Avropa İttifaqı ilə azad vizasız hərəkət rejiminə imza atmışıq, keçən il Avropa perspektivini almışıq və dekabrda namizəd statusu gözləyirik.

Onu da qeyd etmək istərdim ki, Gürcüstan iqtisadi potensialı artan ölkə kimi etibarlı və sabit tərəfdaşdır. Biz Avropa İttifaqı və Çinlə azad ticarət sazişləri imzalamışıq. MDB ölkələri, Böyük Britaniya, Birləşmiş Ərəb Əmirlikləri və Türkiyə ilə də azad ticarətimiz var. Ümumilikdə Gürcüstandakı azad ticarət sazişləri investorlara 2,3 milyard istehlakçı bazasına çıxış imkanı verir.

Burada qeyd etmək istərdim ki, bu ilin iyul ayında mənim Çinə çox uğurlu səfərim oldu və bu səfər zamanı biz münasibətlərimizi yeni səviyyəyə qaldırdıq, strateji tərəfdaşlıq sazişi imzaladıq ki, bu da təkcə ölkələrimiz üçün deyil, həm də bütün bölgə üçün yeni imkanlar yaradır.

Onu da qeyd etmək istərdim ki, biz bütün regionda Çin və Avropa İttifaqı ilə azad ticarət sazişi olan yeganə ölkəyik”, - deyə İrakli Ğaribaşvili bildirib.

Xəbəri qiymətləndir
Məqalənin müəllifiHumay Məmmədova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →