—

Baş nazir Robin Dunniqanla görüşüb

328
Baş nazir Robin Dunniqanla görüşüb
Dinləmək üçün basın

İrakli Qaribaşvili Amerika Birləşmiş Ştatlarının Gürcüstana yeni təyin olunmuş fövqəladə və səlahiyyətli səfiri Robin Danniqan ilə görüşüb. InterPress.ge xəbər verir ki, bu barədə Hökumət administrasiyası məlumat yayıb.

İrakli Qaribaşvili Amerika Birləşmiş Ştatlarının Gürcüstana yeni təyin olunmuş fövqəladə və səlahiyyətli səfiri Robin Danniqan ilə görüşüb.

InterPress.ge xəbər verir ki, bu barədə Hökumət administrasiyası məlumat yayıb.

Məlumata görə, İrakli Qaribaşvili Robin Dunniqanı Gürcüstanda diplomatik fəaliyyətə başlaması münasibətilə təbrik edib və ona uğurlar arzulayıb.
Hökumət administrasiyasında keçirilən görüşdə Gürcüstan və Amerika Birləşmiş Ştatları arasında strateji əməkdaşlıq müzakirə edilib, cari məsələlər ətrafında fikir mübadiləsi aparılıb; Ölkələr arasında çoxşaxəli strateji tərəfdaşlığı gücləndirmək və genişləndirmək istəyi ifadə olunub.
Diqqət dünyada baş verən cari proseslərə və təhlükəsizlik baxımından mövcud çağırışlara yönəldilib. Regional təhlükəsizlik məsələlərindən danışan İrakli Qaribaşvili qeyd edib ki, Gürcüstan regionda sülhün və sabitliyin təmin olunmasına töhfə verməyə hər zaman hazırdır.
İrakli Qaribaşvili Robin Dunniqanla Gürcüstan hökumətinin xarici siyasətinin əsas prioritetlərindən biri - Aİ-yə namizəd statusunun alınmasının vacibliyi barədə danışıb.
Baş nazir Gürcüstanın apardığı islahatlar və Avropa İttifaqının tövsiyələrinin yerinə yetirilməsi məqsədilə edilən dəyişikliklər barədə məlumatı səfirlə bölüşüb. Hökumət başçısı Gürcüstanın həyata keçirdiyi islahatların layiqincə tanınacağına ümid etdiyini bildirib.
Baş nazir ABŞ-ın Gürcüstanın ərazi bütövlüyü və suverenliyinə göstərdiyi sarsılmaz dəstəyə görə yeni təyin olunmuş səfirə təşəkkür edib.
Görüşdən sonra Robin Dunniqan qeyd edib ki, ABŞ prezidenti Co Bayden, ABŞ dövlət katibi Entoni Blinken və hər kəs Gürcüstan və ABŞ arasında tərəfdaşlıq və dostluğun daha da dərinləşməsini səbirsizliklə gözləyir.

“Mən Baş nazirlə bugünkü görüşü yüksək qiymətləndirirəm. Baş nazirə dedim ki, prezident Bayden, katib Blinken və biz hamımız tərəfdaşlığımızı və dostluğumuzu daha da dərinləşdirməyi səbirsizliklə gözləyirik. Dostluğumuzun və tərəfdaşlığımızın 31 ili ərzində ABŞ Gürcüstana müxtəlif istiqamətlərdə - təhsil və səhiyyə sektorlarında, eləcə də infrastrukturun inkişafında dəstək verib. Gürcü əsgərləri Əfqanıstanda, İraqda və Kosovoda Amerika əsgərlərinə dəstək verib. Baş nazirə də dedim ki, Gürcüstanın Qərbə, Avropa İttifaqına və NATO-ya inteqrasiyasının irəliləyişini dəstəkləməyi səbirsizliklə gözləyirəm. Mən xalqlararası və iqtisadi əlaqələrimizi genişləndirmək istəyirəm, ona görə də bu ölkəni və gürcü xalqını daha yaxından tanımağı səbirsizliklə gözləyirəm”, - deyə Robin Dunniqan bildirib.

Görüşdə ABŞ-ın Gürcüstandakı səfirliyinin siyasi və iqtisadi məsələlər üzrə müşaviri Mark Nordberq və Gürcüstan hökuməti administrasiyasının rəhbəri Revaz Cavelidze iştirak ediblər.

Xəbəri qiymətləndir
Məqalənin müəllifiHumay Məmmədova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →