—

Zelenski: “Ukrayna ordusu tədricən irəliləyir”

252
Zelenski: “Ukrayna ordusu tədricən irəliləyir”
Dinləmək üçün basın

Ukrayna Prezidenti Volodimir Zelenski Praqada çex həmkarı Petr Pavel ilə birgə mətbuat konfransında Ukraynanın əks-hücum əməliyyatı, Rusiya ordusunun geri çəkilməsi barədə danışıb.

Ukrayna Prezidenti Volodimir Zelenski Praqada çex həmkarı Petr Pavel ilə birgə mətbuat konfransında Ukraynanın əks-hücum əməliyyatı, Rusiya ordusunun geri çəkilməsi barədə danışıb.

InterPress.ge-nin UNİAN-a istinadən məlumatına görə, dövlət başçısı vurğulayıb ki, Ukrayna döyüşçüləri cəbhədə irəliləyir.

Zelenski qeyd edib ki, ölkəsinin ordusu irəliləyir, indi təşəbbüs Ukrayna ordusundadır.

"Hücum sürətli deyil - bu, faktdır. Amma biz rusiyalılar kimi geri çəkilmirik, irəliləyirik. Ona görə də mən bunu müsbət hal kimi görürəm", - o deyib.

Öz növbəsində Çexiya Prezidenti Petr Pavel qeyd edib ki, bu il Ukrayna yalnız bir əks-hücum etmək imkanı əldə edəcək.

"Əks-hücumun hazırlanması çox vaxt və resurs tələb edir. Ona görə də uğursuz olarsa, dərhal ikinci əks-hücumun başlana biləcəyini gözləmək real deyil", - o deyib.

Bundan əlavə, mətbuat konfransı zamanı çexiyalı jurnalistlərdən biri Zelenskidən soruşub ki, Ukrayna hansısa yolla rus dilini bilən vətəndaşları ölkədən “qovmağı” planlaşdırırmı? Bunun üçün prezident jurnalistdən bir-birinin gözlərini görmələri üçün yaxınlaşmağı xahiş edib.

"Mən sizin gözlərinizi görürəm, siz də mənimkini. Vacibdir ki, mənim gözlərimi görəsən, ancaq Putini eşidin və görməyin. Bəzi cəfəngiyyatlara inanmayın", - Zelenski vurğulayıb.

Prezident vurğulayıb ki, Rusiya işğalının əvvəlindən əksəriyyəti Ukraynanın şərqində və cənubunda yaşayan rusdilli ukraynalıları qətlə yetirib. O xatırladıb ki, indi şərqdə və cənubda çoxlu sayda yaşayış məntəqəsi hər gün Rusiya tərəfindən hücuma məruz qalır.

Xəbəri qiymətləndir
Məqalənin müəllifiHumay Məmmədova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →