—

Gürcüstanda Batumidəki partlayışdan sonra bütün sahil yoxlanılır

303
Gürcüstanda Batumidəki partlayışdan sonra bütün sahil yoxlanılır
Dinləmək üçün basın

Gürcüstanda Sahil Mühafizəsinin əməkdaşları Batumi sahillərində mina partlayışından sonra bütün sahili yoxlayırlar.

Gürcüstanda Sahil Mühafizəsinin əməkdaşları Batumi sahillərində mina partlayışından sonra bütün sahili yoxlayırlar.

InterPress.ge xəbər verir ki, bu barədə çərşənbə axşamı, fevralın 14-də Gürcüstan Daxili İşlər Nazirliyi məlumat verib.

“Sərhəd Polisinin Sahil Mühafizə İdarəsinin əməkdaşları mərhələli şəkildə Batumi və Poti sularını, həmçinin sürətli qayıqlarla limanları yoxlayır, eləcə də Anakliyadan Sarpiyə qədər sahil xəttinə nəzarət edirlər. Fövqəladə Hallar Xidmətinin müvafiq bölmələri xüsusi pilotsuz uçuş aparatlarının köməyi ilə vaxtaşırı monitorinqlər aparır”, - Gürcüstan Daxili İşlər Nazirliyinin bəyanatında deyilir.

Həmçinin qeyd olunur ki, sahil mühafizəsi xüsusi texnika və mexanizmlərin köməyi ilə sahil zolağının mühafizəsinə nəzarət edir.

Bundan əlavə, yerli balıqçılar, gəmiçilik və nəqliyyat təşkilatları, yerli hökumət nümayəndələri ilə məlumat xarakterli görüşlər keçiriləcək.

Eləcə də Gürcüstanın ərazi sularında təhlükəsizliyin təmin edilməsi məqsədilə sahil xətti boyunca xüsusi maneələr quraşdırılacaq.

Xatırladaq ki, fevralın 13-də Batumidə Qara dəniz sahilindən təxminən 25 metr aralıda mina partlayıb. İnsident zamanı xəsarət alan olmayıb. Eyni zamanda partlayış faktı ilə bağlı Gürcüstan Cinayət Məcəlləsinin 229-cu maddəsinin 1-ci hissəsi üzrə ölkənin Daxili İşlər Nazirliyində cinayət işi açılıb.

Xəbəri qiymətləndir
Məqalənin müəllifiHumay Məmmədova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →