—

İrakli Ğaribaşvili Türkiyə Respublikasının daxili işlər naziri ilə görüşüb

508
İrakli Ğaribaşvili Türkiyə Respublikasının daxili işlər naziri ilə görüşüb
Dinləmək üçün basın

Gürcüstanın baş naziri İrakli Ğaribaşvili Türkiyə Respublikasının daxili işlər naziri Süleyman Soylu ilə görüşüb.

Gürcüstanın baş naziri İrakli Ğaribaşvili Türkiyə Respublikasının daxili işlər naziri Süleyman Soylu ilə görüşüb.

InterPress.ge xəbər verir ki,  bu barədə məlumatı hökumət administrasiyası yayıb.

Görüşdə iki ölkə arasında dostluq və tərəfdaşlıq münasibətləri diqqət mərkəzində olub. Müstəqillik əldə etdikdən sonra Türkiyənin Gürcüstanın ən etibarlı dostlarından biri olduğu, Gürcüstan ilə Türkiyə Respublikası arasında strateji tərəfdaşlığın yüksək səviyyədə olduğu və mövcud əməkdaşlığın daha da dərinləşdirilməsinin vacibliyi qeyd edilib.

Görüşdə Gürcüstan və Türkiyə Respublikasının hüquq-mühafizə orqanları arasında səmərəli əməkdaşlıq əlaqələri vurğulanıb.

Danışıqlarda Ukraynada davam edən hərbi əməliyyatların Cənubi Qafqaz regionunda təhlükəsizlik vəziyyətinə təsirinə  toxunulub və regionda sülh və sabitliyin dəstəklənməsinin vacibliyi vurğulanıb, hökumət başçısının sözlərinə görə, bu, regionun inkişafı və rifahı üçün əsas ilkin şərtdir. Baş nazirin Cənubi Qafqaz regionunda hər üç ölkənin iştirakını nəzərdə tutan “Sülhsevər Qonşuluq Təşəbbüsü” bu məqsədə xidmət edir.

Baş nazir Türkiyə Respublikasının daxili işlər nazirinə Gürcüstanın suverenliyi, ərazi bütövlüyü və Avro-Atlantik istəklərinə göstərdiyi sarsılmaz dəstəyə görə təşəkkür edib. Süleyman Soylu Türkiyə Respublikasının Prezidenti Rəcəb Tayyib Ərdoğanın İrakli Ğaribaşviliyə səmimi salamlarını çatdırıb.

Hökumət administrasiyasında keçirilən görüşdə Türkiyə Respublikasının Gürcüstandakı səfiri Fatma Ceren Yazqan və Gürcüstanın daxili işlər naziri Vaxtanq Qomelauri iştirak ediblər.

Xəbəri qiymətləndir
Məqalənin müəllifiLalə Əsgərova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →