—

Zaal Udumaşvili: "Şalva Papuaşvili və Levan Mqaloblişvilinin deputat səlahiyyətlərinə xitam verilməsini tələb edəcəyik"

537
Zaal Udumaşvili: "Şalva Papuaşvili və Levan Mqaloblişvilinin deputat səlahiyyətlərinə xitam verilməsini tələb edəcəyik"
Dinləmək üçün basın

"Gürcü Arzusunun nümayəndələrinin Tina Bokuçavanı Parlament sədrinə yaxınlaşdırmamaq üçün necə çəkişdirdiklərini yaxşı gördük" .

"Gürcü Arzusunun nümayəndələrinin Tina Bokuçavanı Parlament sədrinə yaxınlaşdırmamaq üçün necə çəkişdirdiklərini yaxşı gördük" .

InterPress.ge xəbər verir ki, bunu "Milli Hərəkat"ın nümayəndlərindən Zaal Udumaşvili deyib.

Onun sözlərinə görə, Qomelauri bu gün parlamentdən qaçıb və düzgün qərar verib.

"Vaxtanq Qomelaurinin bu gün Parlament tribunası qarşısında dayanmaq və arqumentlərini oradan eşitməyimiz üçün nə mənəvi, nə də qanuni haqqı var idi. Onun sayəsində 5-6 iyul tarixlərində Tbilisi praktik olaraq həmvətənlərimizlə yanaşı jurnalistləri təqib edən terrorçuların əlində qaldı. Bu gün Vaxtanq Qomelauri ən azı evində oturub ərizə yazmalı, istintaqın suallarını cavablandırmalıdır ki, niyə Tbilisidəki radikal qrupların jurnalistlərə basqın etməsinə icazə verdi? Hər yerdə, küçələrdə, Parlamentdə şiddət göstərən bir hökumətimiz var. Bu gün Parlamentdə nələrin baş verdiyini yaxşı gördük. Biz yalnızca əlimizdə şəkillər tuturduq, Gürcü Arzusunun millət vəkilləri Vaxtanq Qomelauriyə mane olmayaq deyə onun ətrafına toplaşdılar.

Jurnalistlərin asdığı ​​pankartdan narahat oldular, çünki qorxurlar. Bu gün xalqın içində olan etirazdan qorxurlar. Beləliklə, hara getsələr də, ictimai şəkildə görünə bilməyəcəklər. Artıq qorxmuş bu insanlar brifinq keçirə bilmirlər. Hara getsələr, hər yerdə etiraz eşitməli olacaqlar. Bu gün hamımız iclas salonunda millət vəkilimizə nə edildiyini yaxşı gördük. Parlament sədrinə yaxınlaşmaması üçün Gürcü Arzusunun nümayəndələrinin Tina Bokuçavanı necə çəkişdirdiklərini gördük. Bu səbəbdən, Şalva Papuaşvili və Levan Mqaloblişvilinin zorakılıq faktı ilə bağlı istintaq başladılması və deputat səlahiyyətlərinə xitam verilməsi üçün Etik Şuraya müraciət edəcəyik”, - deyib Udumaşvili.

Xəbəri qiymətləndir
Məqalənin müəllifiHumay Məmmədova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →