Zuqdididə cinayət isti təqib nəticəsində açılıb və 22 yaşlı gənc saxlanılıb.
InterPress.ge xəbər verir ki, bu barədə Daxili İşlər Nazirliyindən məlumat verilib.
"Təqsirləndirilən şəxs, 1998-ci il təvəllüdlü R.P. Zuqdididə mübahisədən sonra, qisas məqsədilə 1983-cü il təvəllüdlü şəxsə soyuq silahla ölümcül xəsarət yetirmiş və bundan sonra cinayəti örtmək məqsədilə binada yanğın çıxarmış və gizlənmişdir.
Yanğın xəbəri səbəbiylə yaşayış binasına gələn hüquq-mühafizə orqanları, kişini ölü halda tapdılar. İlkin müayinədə bədənində müxtəlif xəsarətlər olduğu aşkarlandı.
Polis hadisədən bir neçə saat sonra təqsirləndirilən şəxsi Zuqdididə saxlayıb. Cinayət silahı - bıçaq sübut kimi götürülüb.
Cinayət 7 ildən 15 ilədək həbs cəzası nəzərdə tutur.
Saxlanılan şəxs günahını boynuna alır", - deyə məlumatda bildirilir.
