1 USD =3.312 GEL 1 EUR =4.03 GEL 1 AZN =1.948 GEL 1 TRY =0.426 GEL 1 RUB =4.455 GEL
06 
Noy
2020
08:04
747

“WhatsApp” çoxdan gözlənilən funksiyanı işə salır

“WhatsApp” tətbiqi yeddi gündən sonra mesajların itməsi ilə bağlı rejimi işə salıb.

InterPress.ge-nin məlumatına görə, bu barədə şirkətdən bildirilib.

“WhatsApp” mesajları adətən telefonlarımızda əbədi olaraq qalır. Sevdiklərimizin və dostlarımızın xatirələri bizim üçün çox vacib olsa da, göndərdiyimiz mesajların çoxu o qədər də önəmli deyil. Bu səbəbdən “WhatsApp”da “yoxa çıxan mesajlar” rejimini sizə təqdim etməkdən məmnunuq”, - deyə məlumatda vurğulanıb.

Bildirilir ki, rejim işə salındıqda, çatdakı yeni mesajlar yeddi gündən sonra yox olacaq.

Şəxsi çatda hər kəs yoxa çıxan mesajları aktivləşdirə və ya söndürə bilər. Qrup söhbətlərində bunu admin edə bilər.

“Biz yeddi gün aralığı təyin etdik, çünki bunu optimal hesab edirik... Bir neçə gün əvvəl etdiyiniz alış-veriş siyahısı və ya mağaza ünvanı zəruri olduğu müddətdə əlinizdə olacaq, sonra isə yoxa çıxacaq”, - deyə mesajda izah edilib.

Yeni rejim bu ay ərzində dünyanın hər yerindəki “WhatsApp” istifadəçiləri üçün əlçatan olacaq.

Bizimlə əlaqə saxlayın



Digər "texnologiya" xəbərləri