Saakaşvili beynəlxalq tərəfdaşların müxalifətə etdiyi çağırışa cavab verdi

"2003-cü ildə səfir Richard Miles mənə ikinci yerə razı olmağımı söyləyirdi. Razılaşmadım, qalib gəldim, bundan sonra Corc Buş mənə zəng etdi, təbrik etdi və qucaqladı".

InterPress.ge xəbər verir ki, bu barədə Gürcüstanın keçmiş prezidenti Mixail Saakaşvili canlı yayımda bildirib.

Bununla Saakaşvili beynəlxalq tərəfdaşların müxalifətin parlamentə girməsi çağırışlarına cavab verib.

"2003-cü ildə Gürcüstanda, mənzilimdə Corbenadze ilə danışıqların raundunu aparan və ikinci yer barədə razılaşmağımı söyləyən Richard Miles adlı səfir var idi. Biz qalib gələrək birinci yerə sahib olduq. Nəhayət bizə dedi: Üçüncü yerə razılaşın, biz ölkədə iğtişaşlar istəmirik. Bizim marağımız sizin parlamentə girib orada döyüşməyinizdir. Sonra razılaşdımmı? Razılaşmadım və qazandım, Buş mənə zəng etdi, qucaqladı, təbrik etdi. Colin Powell andiçmə mərasimimə gəldi, məni qələbə ilə qarşıladı və s. Hüquqlarınız üçün sona qədər mübarizə apardığınız zaman belə olur.

Bura ölkəmizdir, heç kim bizi azadlığımızın təməl prinsiplərinə zidd olanı qəbul etməyə məcbur edə bilməz. Kiminsə saxtalaşdırılmış parlamentə girməsi, orada oturması və nəhayət ölkəmizi batırması üçün itirəcəyimiz vaxt varmı?",- dedi Mixail Saakaşvili.