"ინფო რუსთავის" ინფორმაციით, "ტოიოტას" მარკის ავტომობილმა ზებრა გადასასვლელზე ქვეითებს გზა დაუთმო და სვლა შეანელა, რა დროსაც უკნიდან "ფოლკსვაგენის" მარკის ავტომობილი დაეჯახა.
"ტოიოტას" ავტომობილი, რომელშიც მძღოლთან ერთად კიდევ სამი მგზავრი იმყოფებოდა, მათ შორის არასრულწლოვნები, ინერციით რამდენიმე მეტრის დაშორებით გაისროლა, ხოლო "ფოლკსვაგენის" ავტომობილი რკინის ჯებირს შეეჯახა.
ავტოსაგზაო შემთხვევის დროს რამდენიმე ადამიანი მსუბუქად დაშავდა, მათ შორის 2 კლინიკაში გადაიყვანეს. მათი ჯანმრთელობის მდგომარეობა ამ დროისთვის სტაბილურია.
შემთხვევის ადგილზე საპატრულო პოლიციისა და სასწრაფო-დახმარების რამდენიმე ეკიპაჟი იყო მობილიზებული.
