"ლებორისტული" პარტიის ლიდერი, შალვა ნათელაშვილი ცესკო-ს არჩევნების მეორე ტურში საკუთარი კანდიდატურის მოხსნის თაობაზე განცხადებით მიმართავს.
გაერთიანებული ოპოზიციის ნაძალადევის მაჟორიტარობის კანდიდატი აცხადებს, რომ ნამდვილი არჩევნები წინ არის, სადაც ამომრჩევლის ნებას ვერავინ გააყალბებს.
"მე მინდა უდიდესი მადლობა გადავუხადო ჩემ ნაძალადეველებს, იცოდეთ, რომ ნამდვილი არჩევნები წინ გველოდება, სადაც თქვენს ნებას ვერავინ გააყალბებს. მანამდეც და მის შემდეგაც მე თქვენი ოჯახის წევრი ვარ, თქვენი დეპუტატი ვარ და ნებისმიერ საკითხზე თქვენ გვერდით ვარ, მაგრამ ახლა ყველაფერი უნდა ვქნათ, რომ ბოროტმოქმედების მეორე ტური არ შედგეს, ხალხი არ მივიდეს არჩევნებზე", - თქვა შალვა ნათელაშვილმა.
