მთიანი ყარაბაღის ხელშეკრულებაზე უარის თქმის შემთხვევაში, 20 000-იანი არმია ალყაში მოექცეოდა, – ამის შესახებ სომხეთის პრემიერ-მინისტრმა, ნიკოლ ფაშინიანმა სოციალური ქსელით მოსახლეობისადმი მიმართვაში განაცხადა.
„მეთაურის ყველაზე მნიშვნელოვანი ფუნქციაა ჯარისკაცისთვის ამოცანის დაყენება, მაგრამ როდესაც ჯარისკაცი ვერანაირ გავლენას ვერ ახდენს შემდგომ მოვლენებზე, ვერ გადაჭრის პრობლემას და შეიძლება, უბრალოდ მოკვდეს, მაშინ სამშობლომ უნდა გაიღოს მსხვერპლი ჯარისკაცის სიცოცხლისთვის“, – განაცხადა სომხეთის პრემიერ-მინისტრმა.
