აჭარაში ოპოზიცია პროტესტის 24-საათიან რეჟიმზე გადავიდა. მთავრობის სახლის წინ გაშლილია კარვები და დამონტაჟებულია სცენა. მათი თქმით, ისინი არ აპირებენ კორონავირუსთან დაკავშირებით დაწესებულ შეზღუდვებს დაემორჩილონ, რომელიც 22:00 საათზე ამოქმედდება. ლიდერები პოლიციას მოუწოდებენ არ დააჯარიმონ აქციის მონაწილეები.
„საღამოს განახლდება აქცია. ძალაში კომენდატის საათიც შედის. ლიდერები ვიღებთ ჩვენს თავზე პასუხმგებლობას და ვრჩებით ბოლომდე. მოვუწოდებთ პოლიციას არ გაბედონ და არ გაიყვანონ აქციის მონაწოლეები დასაჯარმებლად. არ ვაპირებ დავემორჩილო, რადგან ვცხოვრობთ უსამართლო ქვეყანაში”- განაცხადა ბექა დიასამიძემ, რომელიც „სტრატეგია აღმაშენებელის“ წარმომადგენელია.
ბათუმში აქცია თბილისის პარალელურად დაიწყო. ისინი ცესკოს თავმჯდომარის გადადგომას და ხელახალ არჩევნების ჩატარებას მოითხოვენ.
