მადლობა სამართალდამცველებს, რომ იმოქმედეს მაქსიმალური სიფრთხილით და კონსტიტუციურ ინსტიტუტზე თავდასხმის მოგერიება შეძლეს რბილი ძალის გამოყენებით, - ამის შესახებ "ქართული ოცნების" გენერალურმა მდივანმა კახა კალაძემ საგანგებო ბრიფინგზე განაცხადა.
კალაძის თქმით, უნდა გვახსოვდეს, რომ ყველას ერთი სამშობლო გვაქვს და გუშინდელი მოვლენები არავისთვის ყოფილა სასიამოვნო საყურებელი.
"მინდა, მადლობა გადავუხადო სამართალდამცველებს, რომ იმოქმედეს მაქსიმალური სიფრთხილით და კონსტიტუციურ ინსტიტუტზე თავდასხმის მოგერიება შეძლეს რბილი ძალის გამოყენებით. ყველამ მინდა გაითვალისწინოს, რომ ყველას გვაქვს ერთი სამშობლო - არავისთვის არის სასიამოვნო საყურებელი არც ის, როგორ ესვრიან პოლიციელებს ქვებს მომიტინგეები, ცდილობენ ცესკოს შენობაში შეჭრას. არც ისაა სასიამოვნო, რომ პოლიცია იძულებული ხდება თავდასხმა წყლის ჭავლით მოიგერიოს", - განაცხადა კახა კალაძემ.
