3 ნოემბერს თბილისში 1489 მგზავრი შეეცადა ავტობუსში პირბადის გარეშე ასვლას, რასაც მოჰყვა შესაბამისი რეაგირება. 1567 მგზავრს მიეცა გაფრთხილება პირბადესთან დაკავშირებით და ორ შემთხვევაში საპატრულო პოლიცია გამოიძახეს, – ამის შესახებ თბილისის მერმა კახა კალაძემ მთავრობის სხდომის დაწყებამდე განაცხადა.
თბილისის მერის ინფორმაციით, მიკროავტობუსში პირბადის გარეშე ასვლა 63 -მა ადამიანმა სცადა, თუმცა შემდეგ მონიტორინგის სამსახურის თანამშრომლებს დაემორჩილნენ.
კალაძის განცხადებით, პირბადეებზე კონტროლი მეტროში, ავტობუსებსა და მიკროავტობუსებში მიმდინარეობს.
„ჩვენ ტრანსპორტში მაქსიმალურად ვაკონტროლებთ პირბადეების მოხმარებას, რადგან ეს ვირუსისგან თავდაცვის ერთად-ერთი საშუალებაა. ტრანსპორტში სავალდებულოა პირბადის ტარება. ვიცავთ საკუთარ თავს და ირგვლივ მყოფ ადამიანებს“, – აღნიშნა კალაძემ.
