აზერბაიჯანის თავდაცვის სამინისტროს განცხადებით, 26 ოქტომბერს დღისით და 27 ოქტომბერს ღამით, სომხეთის შეიარაღებულმა ძალებმა, არ დაიცვეს ცეცხლის შეწყვეტის ახალი ახალი ჰუმანიტარული რეჟიმი, აზერბაიჯანის არმიის პოზიციებს ფრონტის ხაზის სხვადასხვა მიმართულებით და ფრონტის ხაზის მახლობლად მდებარე დასახლებებს ცეცხლი გაუხსნეს
უწყებაში აღნიშნავენ, რომ საბრძოლო მოქმედებები ძირითადად ხოჯავერდის, ფიზულისა და გუბადლის მიმართულებით გაგრძელდა.
"ჩვენმა ჯარმა ხელი შეუშალა სომხების თავდასხმის მცდელობებს, მტერმა დანაკარგები განიცადა და უკან დაიხია.
აზერბაიჯანის არმიის მოქმედებების შედეგად განადგურდა სომხეთის შეიარაღებული ძალების მე-18 მოტომსროლელი დივიზიის მოწინავე საკონტროლო პუნქტი. დაღუპულთა შორისაა განყოფილების შტაბის უფროსი, პოლკოვნიკი სერგეი შაქარიანი.
ფრონტის სხვადასხვა მიმართულებით განადგურდა დიდი რაოდენობით მტრის ცოცხალი ძალა, განადგურდა და მწყობრიდან გამოვიდა 1 T-72 ტანკი, 4 D-30 და 3 D-20 ქვემეხი, 1 საჰაერო თავდაცვის სარაკეტო სისტემა Osa-AKM, 1 BM-21 Grad, 1 რადიოლოკაციის სადგური და 6 მანქანა.
ამჟამად, აზერბაიჯანის არმიის ჯარები აკონტროლებენ ოპერაციულ ვითარებას ფრონტის მთელ სიგრძეზე", - აღნიშნული განცხადებაში
.jpg)