საერთაშორისო კომპანიამ Henley & Partners–მა 13 ოქტომბერს მსოფლიო პასპორტის ღირებულების განახლებული ინდექსი გამოაქვეყნა. მისი შედგენისას გათვალისწინებულია გადაადგილების თავისუფლების ინდექსი, რომელიც მიუთითებს იმ ქვეყნების რაოდენობაზე, სადაც პასპორტის მფლობელს ვიზის გარეშე შეუძლია მოგზაურობა.
ინდექსში პირველი ადგილს იაპონია იკავებს, რომლის მოქალაქეებს უვიზოდ 191 ქვეყნის მონახულება შეუძლიათ.
2020 წლის პასპორტის მსოფლიო ინდექსში საქართველო ერთი პოზიციით გაუმჯობესდა. ის ამჟამად 49-ე ადგილს იკავებს. 2019 წელს საქართველო 50-ე ადგილს იკავებდა. საქართველოს მოქალაქეებს ვიზის გარეშე 115 ქვეყანაში შეუძლიათ მოგზაურობა. 2019 წელს ქართული პასპორტით უვიზოდ მოგზაურობა 114 ქვეყანაში იყო შესაძლებელი.
2018 წელი Henley&Partners-ის რეიტინგში საქართველომ 50-ე პოზიციით დახურა.
დანარჩენი წლების მიხედვით ამ რეიტინგში საქართველოს პოზიციები ასე გამოიყურებოდა:
- 2017 წელი - 68-ე ადგილი
- 2016 წელი - 71-ე ადგილი
- 2015 წელი - 79-ე ადგილი
- 2014 წელი - 68-ე ადგილი
- 2013 წელი - 67-ე ადგილი
- 2012 წელი -73-ე ადგილი
- 2011 წელი - 73-ე ადგილი
- 2010 წელი - 72-ე ადგილი.
2020 წლის საუკეთესო პასპორტების 10-ეული ასე გამოიყურება:
- იაპონია (191 ქვეყანაში მოგზაურობა)
- სინგაპური (190)
- სამხრეთ კორეა, გერმანია, (189)
- იტალია, ფინეთი, ესპანეთი, ლუქსემბურგი (188)
- დანია, ავსტრია (187)
- შვედეთი, საფრანგეთი, პორტუგალია, ნიდერლანდები, ირლანდია (186)
- შვეიცარია, აშშ,დიდი ბრიტანეთი, ნორვეგია, ბელგია, ახალი ზელანდია (185)
- საბერძნეთი, მალტა, ჩეხეთი, ავსტრალია (184)
- კანადა (183)
- უნგრეთი (182).
კომპანია Henley & Partners პასპორტების რეიტინგს 2006 წლიდან აქვეყნებს.
