"მისი მიზანია, დაფაროს სომხეთის შეიარაღებული ძალების წარუმატებლობა, რომლებმაც დიდი დანაკარგი განიცადეს, ერთმანეთის მიყოლებით ტოვებენ აზერბაიჯანის დასახლებებს, ამშვიდებენ თავიანთ ხალხს და ამავე დროს ამგვარი პროვოკაციული მონაცემებით მსოფლიო საზოგადოების ყურადღების გადატანას ცდილობენ", - აღნიშნულია განცხადებაში.
უწყებაში ხაზს უსვამენ, რომ აზერბაიჯანის არმია მკაცრად იცავს ცეცხლის შეწყვეტის ჰუმანიტარულ რეჟიმს.
ასევე, აზერბაიჯანის თავდაცვის სამინისტრო იუწყება, რომ კელბაჯარის რაიონთან სომხეთის შეიარაღებულმა ძალებმა ბალისტიკური რაკეტების რამდენიმე ოპერატიულ-ტაქტიკური კომპლექსი განათავსა, რომელთა სამიზნე განჯასა და მინგეჩაურში მშვიდობიან მოსახლეობა და ინფრასტრუქტურა იყო. აზერბაიჯანის არმიამ ეს კომპლექსები გაანეიტრალა, რითიც, უწყების ინფორმაციით, მორიგი სამხედრო დანაშაულის პრევენცია მოხდა.
აზერბაიჯანის არმიის მიერ განხორციელებული მოქმედებების შედეგად განადგურდა და მწყობრიდან გამოვიდა სომხეთის შეიარაღებული ძალების ტანკი, სხვადასხვა ტიპის იარაღი და სარაკეტო დანადგარი, ასევე საავტომობილო ტექნიკის რამდენიმე ერთეული.
უწყების ინფორმაციით, დილიდან საარტილერიო ცეცხლის ქვეშ ქვეშ იმყოფება ტერტერის, აღდამის და აღჯაბედის რაიონების.
