„ქართული ოცნების“ საარჩევნო სიის წევრის, დეპუტატის სალავან მირზოევის მიმართ სიცოცხლის მოსპობის მუქარის ფაქტზე პარტიის პარტიის ოფისში გამართულ ბრიფინგზე ისაუბრეს.
გიორგი კახიანმა განაცხადა, რომ გუშინ, მოქალაქე რაშიდ მუსაევმა, რომელიც „ლელოს“ აქტივისტია, პირად Facebook-ზე გაავრცელა ვიდეო, რომლის მიხედვითაც მირზოევს აყენებს სიტყვიერ შეურაცხყოფას და სიცოცხლის მოსპობით ემუქრება.
„ეს პირი არის „ლელოს“ აქტივისტი და აქტიურად არის ჩართული ამ პარტიის საარჩევნო კამპანიაში. როგორც ჩვენთვის ცნობილია, ამ ფაქტთან დაკავშირებით, უკვე დაწყებულია გამოძიება. როგორც ჩანს, სხვადასხვა პარტია არჩევნებში მოსალოდნელი დამარცხების გამო იმდენად სასოწარკვეთილები და გამწარებულები არიან, მსგავს სიბუნძურესა და ძალადობის მუქარასაც კადრულობენ. არაერთხელ ვიხილეთ, როგორ ცდილობს ოპოზიცია პროვოკაციების მოწყობას და საარჩევნო პროცესის ძალადობის რეჟიმში გადაყვანას“, - განაცხადა გიორგი კახიანმა.
მისი თქმით, ფაქტია, რომ ქართული ოცნება დამაჯერებლად იმარჯვებს, ამას ოპოზიციის ქმედებების ადასტურებს და არაფერი დარჩენიათ, თუ არა სიტუაციის რადიკალიზაცია.
„კიდევ ერთხელ მოვუწოდებ საზოგადოებას და ჩვენი პარტიის აქტივს, მაქსიმალურად შევიკავოთ თავი პროვოკაციაზე რეაქციისგან და შესაბამისი უწყებების ინფორმირება დროულად მოვახდინოთ; არჩევნები მშვიდ, დემოკრატიულ გარემოში ჩავატაროთ“, - აღნიშნა გიორგი კახიანმა.
მისი ვარაუდით, მუქარა სავარაუდოდ უკავშირდება მირზოების პარტიულ კუთვნილებას და აქედან გამომდინარე ვიდეო, რომელიც გავრცელდა ძალიან მძიმე და შეურაცხმყოფელია, რომელიც სალავან მირზოევს სიცოცხლის მოსპობით ემუქრებიან.
გიორგი კახიანის ინფორმაციით, გამოძიებას ჩვენება უკვე მისცა თავად მირზოევმა და ახლა გამოძიების რეაგირებას ელოდებიან.(imedi)
