Qardabanidə gənc oğlanı soyuq silahla öldürən şəxs saxlanılıb - VİDEO

Gürcüstan Daxili İşlər Nazirliyinin Kvemo Kartli və Patrul Polisi departamentlərinin əməkdaşları qəsdən adam öldürmə ittihamı ilə əvvəllər məhkum olunmuş şəxsi saxlayıblar.

InterPress.ge xəbər verir ki, istintaqla müəyyən edilib, təqsirləndirilən şəxs mübahisə zamanı gənc kişiyə soyuq silahdan istifadə etməklə xəsarətlər yetirib. Aldığı xəsarətlər nəticəsində kişi hadisə yerində ölüb.

Hüquq-mühafizə orqanlarının əməkdaşları həyata keçirilən əməliyyat tədbirləri və istintaq hərəkətləri nəticəsində cinayəti törətməkdə təqsirləndirilən şəxsi saxlayıblar.

Faktla bağlı Gürcüstan Cinayət Məcəlləsinin 108-ci maddəsi ilə istintaq aparılır. Sözügedən maddə 15 ilədək müddətə azadlıqdan məhrumetməni nəzərdə tutur.