Marneulidə şahmat adına daha bir uğur əldə olunub. “Tea House” şahmat klubunun üzvü Qasım Əliyev II dərəcə yarışlarını qalib kimi başa vurub.
InterPress.ge xəbər verir ki, 3-4 oktyabr 2026-cı il tarixlərində Tbilisidə Gürcüstan Şahmat Federasiyasının təşkil etdiyi dərəcə yarışlarının yekun oyunları keçirilib. Qasım Əliyev II dərəcə yarışında mümkün 7 xaldan 6 xal toplayaraq turnirin qalibi olub.
Bu qələbə ilə Qasım Əliyev I dərəcə yarışlarında iştirak etmək hüququ qazanıb.
Qeyd edək ki, Qasım Əliyev Marneulinin “Tea House” şahmat klubunun üzvüdür və əldə etdiyi bu nəticə klub üçün də əlamətdar uğur hesab olunur.
