InterPress.ge-ის ინფორმაციით, შემთხვევა პაციენტის მონახულებასთან დაკავშირებული დავის დროს მოხდა.
მოწმეთა თქმით, რამდენიმე ვიზიტორი ცდილობდა საავადმყოფოში შესვლას, თუმცა დაცვის თანამშრომელმა განუმარტა, რომ წესების თანახმად, მხოლოდ ერთი ან ორი პირის შეშვება იყო შესაძლებელი.
ამ დროს მხარეებს შორის დაიწყო სიტყვიერი დაპირისპირება, რომელიც ფიზიკურ ინციდენტში გადაიზარდა. შედეგად, დაცვის თანამშრომელს რკინის საგნით დაარტყეს.
ინციდენტის შედეგად, 63 წლის ალადდინ ყარენზადე თავის არეში მძიმედ დაშავდა.
ექიმების ინფორმაციით, დაშავებულის მდგომარეობა მძიმეა და მისი თბილისში გადაყვანა იგეგმება.
შემთხვევის ადგილზე მობილიზებული იყო კრიმინალური პოლიცია და ექსპერტიზის თანამშრომლები, მიმდინარეობს გამოძიება.
