„მოგეხსენებათ ჩვენს მულტიეთნიკურ სააგიტაციო ჯგუფს, რომელიც აწარმოებდა სოფელ ნახიდურში სააგიტაციო სამუშაოებს, თავს დაესხა ნაციონალური მოძრაობის ადგილობრივი აქტივისტებისგან შემდგარი ჯგუფი. სამწუხაროდ ამ ინციდენტის შედეგად გვყავს ორი საკმაოდ მძიმედ დაშავებული ახალგაზრდა და ერთ-ერთი მათგანი დღემდე რჩება საავადმყოფოში.
რაოდენ სამწუხაროც არ უნდა იყოს ამ ჯგუფის ორგანიზატორი და დამფინანსებელი გახლავთ ჩვენი კოლეგა და ჩემი ოპონენტი კახა ოქრიაშვილი, რომელიც ნაციონალური მოძრაობის ლიდერებთან ერთად აქეზებს და აორგანიზებს პროვოკაციებს ბოლნისის მუნიციპალიტეტში. ბუნებრივია ამ ადამიანებს გააზრებული აქვთ, რომ ამ არჩევნებში წარმატების მიღწევის არანაირი შანსი არ გააჩნიათ და სწორედ ამ გზით ცდილობენ საარჩევნო პროცესის ძალადობრივად წარმოჩენას და მის დელიგიტიმაციას. მე აქვე მინდა ვისარგებლო შემთხვევით და სოფელ ნახიდურში მცხოვრებ ჩვენს თანამოძმეებს მივმართო: ჩემო მეგობრებო, მე მგონია, რომ არც ერთ თქვენგანს ეჭვი არ ეპარება, რომ ეს იყო გამიზნული პროვოკაცია და ამ პროვოკაციის მიზანი, როგორც ეს გამოიკვეთა ჩვენი ოპონენტების განცხადებიდან გახლავთ ის, რომ ჩვენს შორის ჩამოაგდონ შუღლი. ბუნებრივია მათ არ აინტერესებთ თუ როგორ შევძლებთ ჩვენ თანაცხოვრების გაგრძელებას, არც ერთ მათგანს არც ბოლნისთან და არც ნახიდურთან არაფერი არ აკავშირებთ. ესენი არიან შემთხვევითი გამვლელები და მე აბსოლიტურად დარწმუნებული ვარ, რომ თქვენ ეს კარგად გესმით და ჩვენს მეგობრობას, რომელიც ჩვენ წლების განმავლობაში ავაშენეთ და რუდუნებით ვუფრთხილდებოდით, საფრთხე არ დაემუქრება მომავალში და ამ პროვოკაციას თქვენ არ აყვებით. მე აასევე ვიტოვებ იმედს, რომ ჩვენი სამართალდამცავები ძალიან მალე, ოპერატიულად შეძლებენ ამ ინციდენტის გამოძიებას და ყველა დამნაშავე მხარე კანონის შესაბამისად აგებს პასუხს", - განაცხადა მის გამოსვლაში გოგი მეშველიანმა.
.png)