"მიმდინარე წლის 27 სექტემბერს სომხეთის შეიარაღებულმა ძალებმა უხეშად დაარღვიეს ცეცხლის შეწყვეტის შესახებ შეთანხმება, შეხების ხაზის გასწვრივ აზერბაიჯანის რესპუბლიკის პოზიციებს, თერთერის, აღდამის, ფიზულისა და ჯებრაილის რაიონის მთელ რიგ სოფლებს მსხვილკალიბრიანი იარაღების, ნაღმტყორცნებისა და სხვადასხვა კალიბრის საარტილერიო დანადგარების გამოყენებით ცეცხლი გაუხსნეს, აზერბაიჯანის წინააღმდეგ მორიგი აგრესია განახორციელეს.
აზერბაიჯანის რესპუბლიკის თავდაცვის სამინისტროს ცნობით, მშვიდობიან მოსახლეობასა და სამხედრო მოსამსახურეებს შორის არის მსხვერპლი და დაჭრილები. სომხეთის შეიარაღებული გაერთიანებების მორიგი საარტილერიო ცეცხლით აზერბაიჯანის მშვიდობიანი მოსახლეობის მიზანში ამოღების შედეგად დაიღუპა ნაფტალანის რაიონის სოფელ გაშალტის მცხოვრები გურბანოვი ელბრუს ისა ოღლუ და მისი ოჯახის ოთხი წევრი. თავდასხმის შედეგად დაღუპულთაგან ორი მათგანი სკოლის მოსწავლე იყო. სერიოზულად დაზიანდა მრავალი კერძო სახლი და სამოქალაქო ობიექტი.
სომხეთის მორიგი აგრესიის მოგერიებისა და შეხების ხაზის გასწვრივ მჭიდროდ დასახლებული მშვიდობიანი მოსახლეობის უსაფრთხოების დაცვის მიზნით, ასევე, თავდაცვის უფლების ფარგლებსა და საერთაშორისო ჰუმანიტარული სამართლის სრულ შესაბამისობაში აზერბაიჯანის რესპუბლიკის შეიარაღებული ძალები კონტრშეტევასა და საპასუხო ღონისძიებებს ახორციელებენ.
აზერბაიჯანის წინააღმდეგ სომხური მხარის მორიგი აგრესია საერთაშორისო სამართლის ფუნდამენტური ნორმებისა და პრინციპების, გაეროს უსაფრთხოების საბჭოს 1993 წლის 822-ე, 853-ე, 874-ე და 884-ე რეზოლუციების, რომლებიც ითხოვენ სომხეთის ჯარების სრულად და უპირობოდ დაუყოვნებლად გაყვანას აზერბაიჯანის ოკუპირებული ტერიტორიებიდან, ასევე, 1949 წლის ჟენევის კონვენციებისა და მათი დამატებითი ოქმების უხეში დარღვევა.
აზერბაიჯანის მიმართ ჩადენილი 27 სექტემბრის ახალი აგრესიული აქტი არის გაგრძელება ბოლო თვეების მანძილზე სომხური მხარის მხრიდან განხორციელებული პროვოკაციების, მათ შორის 12-16 ივლისში თოვუზის მიმართულებით თავდასხმის მცდელობის, გორანბოის მიმართულებით 23 აგვისტოს დივერსიულ-სადაზვერვო პროვოკაციის, აზერბაიჯანის ოკუპირებულ ტერიტორიებზე უკანონო განსახლების პოლიტიკის გატარების, ასევე სომხეთის ხელმძღვანელობის პროვოკაციული განცხადებებისა და საქმიანობის.
როგორც საქართველოს აზერბაიჯანელთა ინტეგრაციის ცენტრი ვაცხადებთ, რომ შექმნილი ვითარების გამო სრული პასუხისმგებლობა ეკისრება სომხეთის პოლიტიკურ და სამხედრო ხელმძღვანელობას, სისხლისღვრის შეჩერების, ახალი ადამიანური მსხვერპლისა და ნგრევების თავიდან აცილების ერთადერთი გზა არის აგრესორის აზერბაიჯანის ტერიტორიების უპირობო დატოვება.
საერთაშორისო საზოგადოებამ, რომელიც აზერბაიჯანის წინააღმდეგ სომხეთის აგრესიისა და პროვოკაციული ქმედებების გამო გამოხატავს საერთაშორისო სამართლის ნორმებსა და პრინციპებზე დამყარებულ პრინციპულ პოზიციას, რომელმაც კარგად იცის სომხეთის შეიარაღებული ძალების აზერბაიჯანის ოკუპირებულ მთიან ყარაბაღსა და მიმდებარე რეგიონებში უკანონო ყოფნას რეგიონში მშვიდობასა და სტაბილურობას რაოდენ სერიოზული საფრთხეს უქმნის, მკაცრად უნდა დაგმოს სომხეთის დამპყრობლური პოლიტიკა და დივერსიული ქმედებები, აიძულოს სომხეთი შეასრულოს საერთაშორისო სამართლის, მათ შორის საერთაშორისო ჰუმანიტარული სამართლის შესაბამისად აღებული ვალდებულებები".
საზოგადოება
საქართველოს აზერბაიჯანელთა ინტეგრაციის ცენტრის განცხადება

მოსასმენად დააჭირეთ
"მიმდინარე წლის 27 სექტემბერს სომხეთის შეიარაღებულმა ძალებმა უხეშად დაარღვიეს ცეცხლის შეწყვეტის შესახებ შეთანხმება, შეხების ხაზის გასწვრივ აზერბაიჯანის რესპუბლიკის პოზიციებს, თერთერის, აღდამის, ფიზულისა და ჯებრაილის…
შეაფასეთ
InterPress.ge არხები
სიახლეები სწრაფად მიიღეთ სოციალურ ქსელებში