აზერბაიჯანის პრეზიდენტი ილჰამ ალიევი დღეს ჰეიდარ ალიევის სახელობის ბაქოს ღრმა წყლის ქარხანაში, აბშერონის საბადოზე საზღვაო ოპერაციების დაფუძნებელ ცერემონიალს დაესწრო.
InterPress.ge ინფორმაციით, ცერემონიის დასრულების შემდეგ, პრეზიდენტმა ილჰამ ალიევმა აზერბაიჯანის ტელევიზიას ინტერვიუ მისცა.
ინტერვიუს დროს აზერბაიჯანის პრეზიდენტს ერთ-ერთი კითხვა ეხებოდა რუსეთიდან და სერბეთიდან სომხეთში იარაღის გადაზიდვის შესახებ.
კითხვა პრეზიდენტისადმი ასეთი იყო:
-ბატონო პრეზიდენტო, ივლისში პროვოკაციის დროს და მის შემდეგ, ადგილობრივ და უცხოურ მედიაში გავრცელდა ინფორმაცია რუსეთიდან და სერბეთიდან სომხეთში იარაღის გადაზიდვის შესახებ. გვსურს კიდევ ერთხელ გავეცნოთ თქვენს მოსაზრებას ამ საკითხთან დაკავშირებით.
”მინდა დავაფასო საქართველოს მთავრობის საქმიანობა ამ პროცესებში. მოგეხსენებათ, საქართველომ თავისი ტერიტორიებიდან სომხეთში იარაღის გადაზიდვა არ დაუშვა. ამიტომაც სატვირთო თვითმფრინავებს სომხეთისკენ მიაქვთ იარაღი კასპიის ზღვისპირა ქვეყნების ტერიტორიებისა და საჰაერო სივრცის გავლით. მადლობას ვუხდი საქართველოს მთავრობას. შემიძლია ვთქვა, რომ საქართველოს მთავრობაში ვხედავთ საიმედო პარტნიორსა და მეგობარს.ჩვენს შორის მთავრობათაშორისი ურთიერთობები დღითიდღე ძლიერდება. ორ ქვეყნის შორის მრავალი მნიშვნელოვანი პროექტი ხორციელდება. ჩვენი საგარეო საქმეთა მინისტრი ახლო მომავალში ოფიციალური ვიზიტით ეწვევა საქართველოს. ამჟამად ვიზიტის პროგრამა მზადდება. ბევრი საკითხი არსებობს. ჩვენ გვაქვს, როგორც ისტორიული კავშირები, ასევე საერთო ინტერესები. დღეს საქართველოსა და აზერბაიჯანს შორის ურთიერთობები და თანამშრომლობის განვითარება ემსახურება ორივე ქვეყნის ინტერესებს. კიდევ ერთხელ მინდა ვთქვა , საქართველოს მთავრობა და აზერბაიჯანის მთავრობა მჭიდრო კავშირშია ერთმანეთთან და ეს მომავალშიც გაგრძელდება ”, - აზერბაიჯანის რესპუბლიკის პრეზიდენტმა ილჰამ ალიევი.
პოლიტიკა
ილჰამ ალიევი: ”საქართველომ თავისი ტერიტორიიდან სომხეთში იარაღის გადაზიდვა არ დაუშვა ”

მოსასმენად დააჭირეთ
აზერბაიჯანის პრეზიდენტი ილჰამ ალიევი დღეს ჰეიდარ ალიევის სახელობის ბაქოს ღრმა წყლის ქარხანაში, აბშერონის საბადოზე საზღვაო ოპერაციების დაფუძნებელ ცერემონიალს დაესწრო. InterPress . ge ინფორმაციით, ცერემონიის დასრულების…
შეაფასეთ
InterPress.ge არხები
სიახლეები სწრაფად მიიღეთ სოციალურ ქსელებში