Sabaduri meşəsində baş verən qəza ölümlə nəticələndi

Sabaduri meşəsində baş verən yol-nəqliyyat hadisəsi nəticəsində bir nəfər həyatını itirib, iki nəfər isə yaralanıb.

InterPress.ge xəbər verir ki, bu barədə  “Formula” məlumat yayıb.

Mövcud məlumata görə, iki minik avtomobili toqquşub. Hadisənin dəqiq səbəbləri hələlik məlum deyil.

Faktla bağlı istintaq Gürcüstan Cinayət Məcəlləsinin 276-cı maddəsi ilə aparılır. Bu maddə nəqliyyat vasitələrinin hərəkət və ya istismar qaydalarının pozulmasını nəzərdə tutur ki, bu da insan sağlamlığına zərər yetirilməsi və ya ölümə səbəb olduqda hüquqi məsuliyyət yaradır.