İmeretidə təbii fəlakətin nəticələrinin aradan qaldırılması işləri davam edir

İmereti regionunda təbii fəlakətin aradan qaldırılması işləri sürətlə davam etdirilir.

InterPress.ge xəbər verir ki, bu barədə İmeretinin Dövlət Nümayəndəliyi məlumat yayıb.

Nümayəndəliyin məlumatına görə, 45 bağlanmış kəndin yolu açılıb.

“Bu səhərdən etibarən 150 texnika ilə işlər yenidən başlayıb ki, qalan 60 kənddə də texnika hərəkət edə bilsin. Qurtarma işlərinə Müdafiə Nazirliyinin hərbi qüvvələri cəlb olunub. Hərbçilər və hərbi texnika müxtəlif bələdiyyələrə paylanıb.

Elektrik enerjisinin verilməsi qismən bərpa olunub, lakin hələ də 9,120 abunəçi işıqsız qalır. Eyni zamanda, bəzi məktəb və bağçalarda tədris prosesi dayandırılıb,” – deyə Dövlət Nümayəndəliyindən bildirilib.