Güclü qar səbəbindən bu yolda avtomobillərin hərəkət məhdudlaşdırıldı

Güclü qar yağışı səbəbindən Samtredia-Lançxuti-Qriqoletti beynəlxalq əhəmiyyətli avtomobil yolunun 16-cı kilometrindən 57-ci kilometrinə qədər olan hissəsində qoşqulu və yarımqoşqulu nəqliyyat vasitələrinin hərəkəti müvəqqəti məhdudlaşdırılıb.

InterPress.ge xəbər verir ki, bu barədə Gürcüstanın Regional İnkişaf və İnfrastruktur Nazirliyinin Avtomobil Yolları Departamenti məlumat yayıb.

Rəsmi açıqlamaya görə, digər növ nəqliyyat vasitələrinin hərəkətinə heç bir məhdudiyyət tətbiq edilmir və yolun qalan hissəsində avtomobillər sərbəst hərəkət edə bilərlər.

Mütəxəssislər pis hava şəraitinə görə sürücülərə ehtiyatlı olmağı və hava şəraitinə uyğun tədbirlər görməyi tövsiyə edirlər.