ჟურნალისტის კითხვაზე, რა როლი შეიძლება ჰქონდეს საქართველოს პრეზიდენტს, ოპოზიციური პარტიების მიერ სიების ჩახსნის პროცესში, პარლამენტის თავმჯდომარემ, შალვა პაპუაშვილმა განაცხადა, რომ სალომე ზურაბიშვილი თანამდებობის დატოვებისთვის უნდა ემზადებოდეს.
"ქალბატონ სალომეს სულ რამდენიმე პარასკევი აქვს დარჩენილი ამ თანამდებობაზე ყოფნის და მის ადგილას ადამიანი წესით საკუთარი ნივთების გამზადებით უნდა იყოს დაკავებული, რომ გავიდეს დაკავებული პოზიციიდან", - ამბობს შალვა პაპუაშვილი.
ცნობისთვის, რამდენიმე დღის წინ, ბაქოში ვიზიტისას, საქართველოს პრემიერ-მინისტრმა, ირაკლი კობახიძემ განაცხადა, რომ საქართველოში ახალი პრეზიდენტი მომავალი წლის დასაწყისიდან აირჩევა. კობახიძის თქმით, ეს იანვრის დასაწყისში მოხდება.
Bm.ge
![\"ქალბატონი სალომე [ზურაბიშვილი] ნივთების ჩალაგებით უნდა იყოს დაკავებული\" - პაპუაშვილი](/web/uploads/images/papuashvili_w_h.jpeg)