Amerikalı konqresmen Co Bayden administrasiyasını Gürcüstanda keçirilən seçkilərlə bağlı mövqeyinə görə tənqid edib

ABŞ Helsinki Komissiyasının sədri, konqresmen Co Vilson prezident Co Bayden administrasiyasını Gürcüstanda keçirilən seçkilərlə bağlı mövqeyinə görə tənqid edib.

InterPress.ge xəbər verir ki, Vilson bu barədə sosial şəbəkədə yazıb.

Vilsonun yazdığına görə, “Gürcü arzusu” avtoritar üsullarla hakimiyyəti ələ keçirməyə çalışır və bunun ardınca müvafiq qiymət verilməlidir.

“Bayden-Harris administrasiyasının avtoritar yolla azadlıqsevər ölkəni ələ keçirməyə çalışan “Gürcü arzusu” hökumətini legitimləşdirməsi utancvericidir”-  Amerikal konqresmen yazıb.