“მოსახლეობის განწყობიდან გამომდინარე, დარწმუნებული ვარ, 26 ოქტომბერს ჩვენ კვლავ ღირსეულად გავიმარჯვებთ, რაც ამ ქვეყნის სტაბილური განვითარების გარანტი იქნება”, - ამ სიტყვებით მიმართა პარტია „ქართული ოცნება- დემოკრატიული საქართველო“-ს მარნეულისა და გარდაბნის დელეგატობის კანდიდატმა ზაურ დარგალმა ქუთლიარში ამომრჩევლებს.
წინასაარჩევნო კამპანიის ფარგლებში მარნეულში შეხვედრები აქტიურად გრძელდება. დელეგატობის კანდიდატთან ერთად ადგილობრივებს, 26 ოქტომბრის საპარლამენტო არჩევნების მნიშვნელობასა და ქვეყანაში მშვიდობის შენარჩუნებაზე, „ქართული ოცნების" მარნეულის პარტიული ორგანიზაციის ხელმძღვანელი ამირან გიორგაძე, მარნეულის მუნიციპალიტეტის მერი კენან ომაროვი და მმართველი გუნდის წევრები ესაუბრებიან.
შეხვედრაზე ასევ განიხილეს ადგილობრივებისთვის პრიორიტეტული საკითხები. ყურადღება გამახვილდა „ქართული ოცნების“ მმართველობის პერიოდში განხორციელებულ პროექტებსა და სამომავლო გეგმებზე.
