“რა თქმა უნდა, ჩვენი გამარჯვება არის უდიდესი დალოცვა ჩვენი ხალხისთვის, ჩვენი სახელმწიფოსთვის, ვფიქრობ, ეს არის ყველაზე ნათელი სამხედრო გამარჯვება აზერბაიჯანელი ხალხის მრავალსაუკუნოვან ისტორიაში”
InterPress.ge-ს ინფორმაციით, ამის შესახებ აზერბაიჯანის პრეზიდენტმა ილჰამ ალიევმა 4 ოქტომბერს ქალაქ ჯაბრაილის მოსახლეობასთან შეხვედრაზე განაცხადა.
სახელმწიფოს მეთაურმა ასევე აღნიშნა: „თუმცა, ამავდროულად, ამ გამარჯვებამ აჩვენა, რომ შესაძლებელია უსამართლობის წინააღმდეგ ბრძოლა. როცა ხალხში არის ერთობა, როცა არის ძლიერი ნება, როცა ზნეობრივი სული მაღალ დონეზეა და აფასებ ეროვნულ ფასეულობებს, შეგიძლია ყველაფერი გააკეთო.
ამ ისტორიული მიღწევით ჩვენმა ხალხმა აჩვენა გზა ტანჯულ ხალხს ბევრ სხვა ადგილას, რომ ეს შესაძლებელია. ამიტომ, ჩვენი გამარჯვების საერთაშორისო მნიშვნელობა ამიერიდან მხოლოდ გაიზრდება“.
