ჩვენ ვამაგრებთ კონვენციურ საზღვარზე, რადგან სომხეთის მხრიდან ნებისმიერი პროვოკაცია ნებისმიერ მომენტში შეიძლება მოსალოდნელი იყოს, სომხური მხარე კი მასიურად არის შეიარაღებული და პარალელურად ატარებს სამხედრო წვრთნებს უცხო ქვეყნებთან და დიდ სახელმწიფოებთან. დასავლეთის ქვეყნებიდან სომხეთში იგზავნება იარაღი და საბრძოლო მასალა.
InterPress.ge იუწყება, რომ ეს სიტყვები აზერბაიჯანის პრეზიდენტმა ილჰამ ალიევმა მე-7 მოწვევის მილი მეჯლისის პირველ სხდომაზე სიტყვით გამოსვლისას განაცხადა.
„სხვა სიტყვებით რომ ვთქვათ, აშკარაა ზოგიერთი დასავლური სახელმწიფოს გეგმები, რათა სომხეთი ჩვენს წინააღმდეგ გამოიყვანონ“, - განაცხადა სახელმწიფოს მეთაურმა და განაცხადა რომ, რა თქმა უნდა, ისინი არ არიან დაინტერესებულნი სომეხი ხალხით. მათთვის სომეხი ხალხი მხოლოდ იარაღია, საშუალებაა აზერბაიჯანი მუდმივი ზეწოლის ქვეშ იყოს, გამოიყენონ სომხეთის ტერიტორია აზერბაიჯანისა და სხვა სომეხი მეზობლებისთვის საფრთხის წყაროების შესაქმნელად და ამით საკუთარი ინტერესების უზრუნველსაყოფად.
