„რაც შეეხება სამხრეთ კავკასიის რეგიონს, შემიძლია ვთქვა, რომ ჩვენ ვხედავთ ისტორიულ ტრანსფორმაციას, ხდება ისტორიულ-გეოპოლიტიკური ცვლილებები“.
InterPress.ge-ს ინფორმაციით, ეს მოსაზრება აზერბაიჯანის პრეზიდენტმა ილჰამ ალიევმა 20 ივლისს, შუშას მე-2 გლობალურ მედია ფორუმზე გამოსვლისას გამოთქვა თემაზე „ცრუ ინფორმაციის გამოვლენა: ბრძოლა დეზინფორმაციასთან“.
„ტრადიციული ალიანსები გარკვეულწილად შესუსტდა და თანამშრომლობის ახალი ფორმატები გაჩნდა. რა თქმა უნდა, გასული წლის სექტემბერში ჩვენი ტერიტორიული მთლიანობისა და სუვერენიტეტის სრული აღდგენა ყველაზე მნიშვნელოვანი მოვლენაა. ეს იყო მნიშვნელოვანი მოვლენა არა მხოლოდ პირველ და მეორე ფორუმს შორის, არამედ ზოგადად ჩვენს თანამედროვე ისტორიაში“, - განაცხადა სახელმწიფოს მეთაურმა.
