„სტრატეგიული პარტნიორობა, რომელიც ჩვენ განვსაზღვრეთ ბაქოში ენერგეტიკის სფეროში, ითვალისწინებს 2027 წლის ბოლომდე ევროპისთვის გაზის მიწოდების გაორმაგებას. ჩვენ ამ მიზნისკენ მივდივართ.
InterPress.ge იუწყება, რომ ეს მოსაზრებები გამოთქვა აზერბაიჯანის პრეზიდენტმა ილჰამ ალიევმა 18 ივლისს ოქსფორდში „ევროპული პოლიტიკური კავშირის“ მე-4 სამიტის ფარგლებში გამართულ მრგვალ მაგიდაზე „ენერგია და კავშირი“ სიტყვით გამოსვლისას.
ილჰამ ალიევმა თქვა: „თუ ჩვენი გაზის მიწოდება ევროპის კონტინენტზე 2021 წელს იყო 8 მილიარდი კუბური მეტრი წელიწადში, წელს ეს მაჩვენებელი 13 მილიარდ კუბურ მეტრს მიახლოვდება.თუ მთლიანი ექსპორტი 2021 წელს 18 მილიარდი კუბური მეტრი იყო, წელს ეს მაჩვენებელი 25 მილიარდი კუბური მეტრი იქნება. ექსპორტის ნახევარზე მეტი ევროპაში მიდის“.
.jpeg)