პარლამენტის საფინანსო-საბიუჯეტო კომიტეტის სხდომაზე დღეს განიხილეს სარატიფიკაციო დოკუმენტი „საქართველოსა და აზიის განვითარების ბანკს შორის სასესხო შეთანხმების“ შესახებ.
პარლამენტისთვის წარდგენილი განმარტებითი ბარათის თანახმად, სესხის მოცულობა 46.275 მლნ ევროს შეადგენს. სესხის გაცემა ორ ეტაპად განხორციელდება. კერძოდ, წლის ბოლომდე დაგეგმილია 23 137 500 ევროს ოდენობის სესხის გაცემა საქართველოსთვის, ხოლო დარჩენილი მეორე ეტაპად 2025 წელს გაიცემა.
სესხის ფინანსური პირობები ასე გამოიყურება:
სესხის თანხა: 46 275 000 ევრო
საპროცენტო განაკვეთის ტიპი: ცვლადი, EURIBOR-ზე დაფუძნებული ფიქსირებული მართა +0.6% (მიმდინარე წლის 23 აპრილის მდგომარეობით EURIBOR შეადგენს 3.844%)
სესხის ხანგრძლივობა: 15 წელი (შეღავათიანი 3 წელი)
ვალდებულების გადასახდელი წლიური 0.15%
აღნიშნული სესხი მიემართება ჯანდაცვის სექტორის გაძლიერებას. პარლამენტის ინფორმაციით, პროგრამის ძირითადი მიზანია ჯანდაცვის სექტორის მმართველობის, დაფინანსების ეფექტურობისა და მომსახურების ხარისხის გაუმჯობესება.
