„აზერბაიჯანის საგარეო საქმეთა სამინისტრო კიდევ ერთხელ ადასტურებს საქართველოს ტერიტორიულ მთლიანობასა და სუვერენიტეტს, არ ცნობს თვითგამოცხადებულ „საპარლამენტო არჩევნებს“, ისევე როგორც მათ შედეგებს, რომელიც გაიმართა 9 ივნისს საქართველოს ცხინვალის რეგიონში“, - ნათქვამია განცხადებაში.
ოკუპირებულ რეგიონში გამართულ არჩევნებს საერთაშორისო საზოგადოება ლეგიტიმურად არ ცნობს, რადგან უკანონო არჩევნები რუსეთის მიერ ოკუპირებულ ტერიტორიაზე ტარდება. ამ ტერიტორიას კი საერთაშორისო თანამეგობრობა საქართველოს სუვერენულ რეგიონად მიიჩნევს.
