სიტყვიერი დაპირისპირების მიზეზი რომან გოცირიძის გამოსვლა გახდა.
გოცირიძის თქმით, შს მინისტრმა თქვა, რომ კერძო სექტორმა ყატარიდან 22 მილიონის საფრენი აპარატი იყიდა. „რა არის, არ ვიცით. შეიძლება, არის დრონები, ვეტრმფრენები და ა.შ. 22 მილიონი დოლარის საფრენი აპარატების შემოსვლა აქამდე არ ყოფილა და დააკვირდით, ეს ხომ არ გადადის ყირგიზეთ-ყაზახეთში. ეს საფრენი აპარატები საქართველოში დარჩება, თუ ვისია ეს 22 მილიონი? ვიცით, რომ საქართველო ხდება რუსეთში სანქცირებული საქონლის გატანის გზა“, – აღნიშნა გოცირიძემ.
ოპოზიციონერი დეპუტატის ეს განცხადება უმრავლესობამ გააპროტესტა და რომან გოცირიძეს მიმართეს – „დავალება გაქვს და ასრულებ?“, „აგენტი ხარ მართლა“, „საკუთარ ქვეყანას რას აბრალებს“, „მართლა ჭორიკანა ხარ“.
რომან გოცირიძის ამ განცხადებას შალვა პაპუაშვილიც გამოეხმაურა. პაპუაშვილმა აღნიშნა: „მივედით იქამდე, რომ პარლამენტში, „ნაციონალური მოძრაობის“ ყოფილი წევრი დეზინფორმაციას ავრცელებს, სხდომათა დარბაზში ქვეყნის ინტერესების პირდაპირ ღალატს არ დავუშვებთ“
Primetime
