InterPress.ge-ს ინფორმაციით, ხმის მიცემის პროცესი თბილისის დროით 08:00 საათზე დაიწყო.
ელჩის ფაიგ გულიევის განცხადებით, საელჩოში საარჩევნო უბანი აღჭურვილია ამომრჩეველთა თავისუფალი და მიუკერძოებელი ხმის მიცემისათვის საჭირო აღჭურვილობით.
"15:00 საათის მონაცემებით, სიაში მყოფი აზერბაიჯანის მოქალაქეების 54%-მა ისარგებლა ხმის მიცემის უფლებით. ამომრჩეველი დიდ აქტიურობას იჩენს", - განაცხადა ელჩმა.
ელჩმა აღნიშნა, რომ საარჩევნო სიაში 66 ადამიანია, მათ შორის 18 წელს მიღწეული 6 ადამიანია და ხმას პირველად იღებენ. ხმის მიმღებთა შორის არის 1937 წელს დაბადებული პირიც.
მისივე თქმით, საარჩევნო უბანი 19:00 საათამდე იმუშავებს.
ცნობისთვის, რიგგარეშე საპრეზიდენტო არჩევნებთან დაკავშირებით მსოფლიოს 37 ქვეყანაში 49 საარჩევნო უბანი შეიქმნა. ორი მათგანი საქართველოშია.
