ამის შესახებ InterPress.ge „რეპორტ' ს დაყრტნობით ინფორმაციას ავრცელებს, რომ ეს მოსაზრება აზერბაიჯანის პრეზიდენტმა ილჰამ ალიევმა 20 ნოემბერს ბაქოში ერაყის პრეზიდენტთან აბდულატიფ ჯამალ რაშიდთან ერთად გამართულ პრესაში გამოთქვა.
„საფრანგეთი ძალიან დესტრუქციულ როლს თამაშობს სამხრეთ კავკასიაში. ფაქტობრივად, ახლა სომხეთი საფრანგეთის მთავრობის მარიონეტად იქცა და ეს შეიძლება სერიოზული საფრთხე იყოს რეგიონული სტაბილურობისთვის. ჩვენ არ გვჭირდება ომი. ჩვენ ვიბრძოდით ჩვენს ტერიტორიაზე და დავამყარეთ სამართლიანობა და საერთაშორისო სამართალი. თუმცა სომხეთის ხელისუფლება და პოლიტიკური ისტებლიშმენტი შურისძიებაზე ფიქრობს. საფრანგეთის ხელისუფლების ცრუ გზავნილები, ფაქტობრივად, ქმნის ილუზიას სომხეთის მთავრობაში და, შესაძლოა, საზოგადოებრივ აზრში, რომ მათ შეუძლიათ მორიგი სამხედრო აგრესია დაიწყოს აზერბაიჯანის წინააღმდეგ. სომხეთის შეიარაღებით, რომლითაც საფრანგეთი ამაყობს და საჯაროდ აცხადებს, ის არ დაეხმარება სომხეთს, თუ ის გადაწყვეტს ახალი ომის დაწყებას. შედეგი იგივე იქნება. მათ არავინ დაეხმარება. დაეხმარა მათ საფრანგეთი სამი წლის წინ? არა. დაეხმარა მათ ორი თვის წინ? არა. რისი გაკეთება შეუძლიათ მათ აქ? არაფერი."
პრეზიდენტმა ილჰამ ალიევმა ხაზგასმით აღნიშნა, რომ რაც უფრო მალე მივიღებთ პასუხს სომხეთისგან ჩვენს შენიშვნებთან დაკავშირებით, მით უკეთესი.
