„დასავლეთ აზერბაიჯანის თემის“ წარმომადგენლების სამშობლოში უსაფრთხოდ და ღირსეულად დაბრუნების სურვილის სომხეთის წინააღმდეგ „აგრესიისთვის მზადებად“ აღქმა და მათი პროპაგანდა ამ მიმართულებით სრულიად უსაფუძვლოა" - ამის შესახებ აზერბაიჯანის საგარეო საქმეთა სამინისტროს პრესმდივანმა აიხან ჰაჯიზადემ ეუთოს საპარლამენტო ასამბლეის სესიაზე სომხეთის პრემიერ-მინისტრის, ნიკოლ ფაშინიანის პასუხის კომენტირებისას განაცხადა.
„მოვუწოდებთ სომხურ მხარეს, რომელიც აგრძელებს აგრესიულ ცილისმწამებლურ რიტორიკას ჩვენი ქვეყნის წინააღმდეგ სხვადასხვა საერთაშორისო პლატფორმების გამოყენებით, შეწყვიტოს განცხადებები, რომლებიც ზიანს აყენებს მშვიდობის პერსპექტივას და გამოიყენოს შექმნილი ისტორიული შესაძლებლობები სამხრეთ კავკასიის რეგიონის სიმშვიდის და თანამშრომლობის ადგილად გადაქცევისთვის.
ვიმედოვნებთ, რომ სომხეთი ადეკვატურ პასუხს გასცემს აზერბაიჯანის მოწოდებებს აზერბაიჯანსა და სომხეთს შორის ურთიერთობების ნორმალიზაციისა და სამშვიდობო ხელშეკრულების მალე ხელმოწერის შესახებ“, - აღნიშნა მან.
.jpg)