ივანე ჯავახიშვილის სახელობის თბილისის სახელმწიფო უნივერსიტეტის 3 ათასამდე პროფესორ-მასწავლებლისთვის და 25 ათასზე მეტი სტუდენტისთვის დღეს ახალი სასწავლო წელი დაიწყო. მათ შორის სწავლას იწყებს ერთიანი ეროვნული გამოცდების შედეგად ჩარიცხული 6200 პირველსემესტრელიც.
ახალ სასწავლო წელს თბილისის სახელმწიფო უნივერსიტეტი განახლებული ინფრასტრუქტურით ხვდება: მოეწყო სასწავლო კორპუსების გარე პერიმეტრი, რამდენიმე სასწავლო კორპუსში განახლდა სააუდიტორიო ინვენტარი, სასწავლო კორპუსების დერეფნებსა და ჰოლებში მოეწყო სტუდენტური და საპროფესორო სივრცეები.
ახალი სასწავლო წლის დაწყება სტუდენტებს უნივერსიტეტის რექტორმა ჯაბა სამუშიამ მიულოცა.
