ჩემი მესამე გზავნილი ეხება ურყევ მხარდაჭერას საქართველოს დამოუკიდებლობის, სუვერენიტეტისა და ტერიტორიული მთლიანობის მიმართ, - ამის შესახებ ევროკავშირის უმაღლესმა წარმომადგენელმა, ჟოზეფ ბორელმა პრემიერ-მინისტრ ირაკლი ღარიბაშვილთან ერთობლივ პრესკონფერენციაზე განაცხადა.
„დღეს, უკრაინაში რუსეთის შეჭრის კონტექსტში ყველაზე ძლიერია ჩვენი ურთიერთობა საქართველოსთან. ჩვენ გავაგრძელებთ საქართველოსთან დგომას და ეს არ არის უბრალოდ სიტყვები. ჩვენ ამას კონკრეტული ქმედებებით, ინვესტიციებით ვამტკიცებთ. ჩვენ გვყავს სპეციალური წარმომადგენელი რეგიონში და ევროკავშირიდან მონიტორინგის მისია, რომელიც ქვეყანაში უკვე 15 წელია მუშაობს. ამ ხნის განმავლობაში მისია უდიდეს როლს თამაშობს სტაბილურობის უზრუნველყოფაში და დაძაბულობის შემცირებაში“, - აღნიშნა ბორელმა.
(imedi)
