თბილისში გასაქირავებელი ბინების ფასი 48%-ით გაიზარდა - ამის შესახებ აღნიშნულია “თიბისი კაპიტალის“ უძრავი ქონების კვლევაში.
ამასთან, კვლევის მიხედვით, 2023 წლის ივლისში თბილისში 3,336 ტრანზაქცია დაფიქსირდა, რაც წინა წლის იმავე პერიოდის მაჩვენებელზე 2%-ით ნაკლებია.
საშუალო გასაყიდი ფასი წინა თვესთან შედარებით ფაქტობრივად უცვლელი დარჩა და 1,164 დოლარი/კვ.მ შეადგინა, ხოლო წლიურ ჭრილში 22%-ით გაიზარდა.
გასაქირავებელი ფასი 13.1 დოლარი/კვ.მ-ს გაუტოლდა, რაც წინა თვესთან შედარებით 5%-ით, ხოლო 2022 წლის ივლისთან შედარებით 48%-ით მაღალია.
თვიურ ჭრილში, ტრანზაქციების შემცირების ფონზე, ბაზრის მოცულობამ ივნისთან შედარებით 9%-ით იკლო და $255 მილიონი შეადგინა. წლიურ ჭრილში კი 18%-იანი ზრდა დაფიქსირდა“, - აღნიშნულია კვლევაში.
(bpn)
