რუსეთის უშიშროების საბჭოს თავმჯდომარის მოადგილე დიმიტრი მედვედევი აცხადებს, რომ „სამხრეთ ოსეთში“ 2008 წლის მოვლენებზე პასუხისმგებლობა საქართველოს ყოფილ პრეზიდენტ მიხეილ სააკაშვილს და ქვეყნის პოლიტიკურ ხელმძღვანელობას ეკისრებათ.
„პოლიტიკურ ცხოვრებაში ყველაფერი ისეა მოწყობილი, რომ ფინალურ გადაწყვეტილებას პირველი პირი იღებს და მას ეკისრება პასუხისმგებლობა. საქართველოს მხრიდან, როგორც ნომერ პირველმა, მან მიიღო აგრესიის დაწყების გადაწყვეტილება. თუნდაც ამერიკის როლის გააზრებით, პროვოკაციები საბოლოო ჯამში ერთი ადამიანის - სახელმწიფოს მეთაურის გადაწყვეტილებაა. პასუხისმგებელია ის [სააკაშვილი] და საქართველოს იმ პერიოდის ხელმძღვანელობა“, - განუცხადა მედვედევმა TASS-ს და RT-ს.
მისივე თქმით, მიხეილ სააკაშვილი „გაბერილი თვითშეფასების მქონე ადამიანია“, რამაც ის, საბოლოოდ, „პოლიტიკურ გვამად აქცია“.
