Fəlakət bölgəsindəki son vəziyyət açıqlandı

Şovidə təbii fəlakət bölgəsindən cəsədi tapılan 29 nəfərdən 28-nin şəxsiyyəti müəyyən edilib.

InterPress.ge xəbər verir ki, bu barədə Oni şəhərinin meri Serqo Xideşeli məlumat verib.

Onun sözlərinə görə, itkin düşmüş 4 vətəndaşın axtarışları aktiv şəkildə davam etdirilir.

“Axtarış tədbirləri istər təbii fəlakətin episentrində,  istər Çançaxi və Rion çaylarının məcralarında, istər Oni bələdiyyəsi, istərsə də Ambrolauri bələdiyyəsi ərazisində aktiv rejimdə davam edir. Nə qədər ki, kiçik bir şans var, axtarışlar davam edəcək”, - deyə Xideşeli bildirib.