ლავასოღლი მილიონი ევროს გამოძალვაშია ბრალდებული. მოლდოვის გამოძიების ინფორმაციით, საქმე ორ ბიზნესმენს შორის ფინანსურ დავას ეხებოდა, როცა ერთ-ერთმა მხარემ დახმარება მინდია ლავასოღლის სთხოვა.
ბიზნესმენებს შორის საქმის გარჩევის შემდეგ, მინდია გორაძემ საქმის დალაგების სანაცვლოდ ერთი მილიონი ევრო და ძვირადღირებული ავტომობილები მიიღო. მოლდოვის პოლიციის მიერ გავრცელებულ აუდიო და ვიდეო ჩანაწერში ჩანს, როგორ ემუქრება ლავასოღლი ერთ-ერთი ბიზნესმენის ოჯახს ლიკვიდაციით.
"მთავარი არხი" ლავასოღლის ოჯახს დაუკავშირდა. მისი და, ინდირა გორაძე ლავასოღლის დაკავების შესახებ გავრცელებულ ინფორმაციას არ ადასტურებს.
"რა ხდება, რამე სიზმარი ნახეთ? მშვიდობა გაქვთ? არასწორი ინფორმაცია გაქვთ. მაგ თემასთან დაკავშირებით არ ვაკეთებ [კომენტარს]", - თქვა ინდირა გორაძემ.
იმინდია გორაძის აღკვეთის ღონისძიების შეფარდებაზე კიშინიოვის სასამართლო, სავარაუდოდ, უახლოეს მომავალში იმსჯელებს.
(mtavari)
