დღეს საქართველოს ეროვნულმა ბანკის მონეტარული პოლიტიკის კომიტეტმა რეფინანსირების განაკვეთის 0.25 პროცენტული პუნქტით შემცირების შესახებ მიიღო გადაწყვეტილება. ეროვნული ბანკის შეფასებით, ქვეყანაში 0.6%-მდე შემცირებული ინფლაციის გათვალისწინებით მიზანშეწონილია ქვეყანა გამკაცრებული მონეტარული პოლიტიკის რეჟიმის შემსუბუქებაზე გადაერთოს.
სხდომის შემდეგ გამართულ პრესკონფერენციაზე, ეროვნული ბანკის პრეზიდენტის მოვალეობის შემსრულებელმა ნათია თურნავამ ის რისკებიც შეაფასა, რამაც შესაძლოა, ინფლაცია გაზარდოს.
„ამ ეტაპზე, ხელფასების ზრდა დასაქმებულთა პროდუქტიულობის ზრდას აჭარბებს. ამ ტენდენციის გაგრძელებამ შეიძლება წარმოქმნას ხარჯების გაძვირება და საბოლოოდ ეს ფასებზეც აისახება.
ყველა ამ რისკის გათვალისწინებით, საქართველოს ეროვნული ბანკი, მკაცრი მონეტარული პოლიტიკიდან გამოსვლას ფრთხილი ბიჯებით აგრძელებს“, - განაცხადა თურნავამ.
(bpn)
